الأربعاء، 13 أبريل، 2011

تره خبر ياوادي زين ... على اللي في بنغازي صار


تره خبر ياوادي زين ... على اللي في بنغازي صار
اللي هدو تقول مجانين   ... علي الكتيبة ليل نهار
سلمية رفعوها الايدين ... ضربهم بسلاح الطيار 

اللي ماطقوا حتي عشرين ... جابو اللي ماقدره الكبار 
مالبركة من سيدي حسين  ... و الكيش و حي الدولار
الفويهات و شارع عشرين ... الليثي و بوهديمة الاحرار
الصابري و السلمانيين ... بنينا و الرجمة و الابيار
بحيط و سيف و جولاطين ... فكوها رقاية الاسوار
لا ما ننسي ليوم الدين  ... كلام قاله جدي المختار
يافوق نعيشوا منتصرين ... يا نمشي لجنة الابرار
مالبيضا و درنة  فازعين ... من طبرق جونا ثوار
علي اجدابيا مانا واقفين ... موعدنا حوش الجزار
مصراتة انجوها فاتحين ... نمحوا علي ورفلة العار
الزاوية لا موش ناسيين ... بكرة توصلكم الاخبار
مالزنتان عليه حادرين ... يا لفعه جاك الزمار

http://twitter.com/libya2p0

هناك تعليقان (2):

  1. الله يرحمهم شهداء والله صدقتى بنغازى ام ليبيا اشتاق اليك بنغازى

    ردحذف
  2. صح لسانك وربي يرحم الشهداء

    ردحذف