الاثنين، 4 أبريل 2011

كلمات متواضعة توصف شباب مصراته ونضالهم ضد الفاجر واعوانه

يا ذات الرمال عجزت الألسن عن وصف مافيك من جمال.. ربي يكون معاك في وقت الشدّه
يا مصنع الرجال...ربي يزيدهم عتاد وعدّه
يا منبع الأشبال ... يلّي قالو: المظلوم ناخدوله حقّه
يا مصرااااااااااااااااااته 
مليون تحيّه...لكلّ من جاهد في معارك المطار و الكليّة الجوّية
ويلّي استشهدو في سبيل الله...... وكرامة الوطن والحريّة
والله نسيانهم صعيب ...لكن...علمونا الشجاعة الأصلية
ياقردافي ياللي تقول عليهم جردان!!
شجعان المدينة و الزّوابي والغيران...في وصفهم عقلي مزال حيران
الزّريق وأبورويّة وقرارة وزاوية المحجوب... يلي صمدوا وقالو: لا للانسحاب والهروب
يدّر والجزيره... تاريخهم كتبوه بالدم...لا بحبر ولا بطاباشيره
شباب مرباط الأحرار...يلّي حموا الاذاعة وخلّوها تستمر في بث البرامج والأخبار
ومنطقة قصر أحمد واللي مجاورين ليها...دحروا الكتائب من الميناء وخلّو سفن المعونات ترسى فيها
اقزير والمقاصبة ببحريهم وقبليهم...حاصروا المرتزقة في ثانوية اليرموك..والتقنية الطبية وقالو: لا والله ما يقعدو فيهم
كرزاز وطمّينة والكراريم ..... في مواجهة كتائب القردافي ليهم دور عظيم
وفي النهاية سامحونا .............. إذا كان نسينا حد ما تلومنا 
مصطفى شكلاوون

Faisel Elramalli

هناك تعليقان (2):

  1. مصراته هيا مصراته .. تطرد الكلب واعواناته
    ماتخاف من غاراته ولا دباباته ..

    ردحذف
  2. صح لسانك مصطفى اهم شي المشاركة وربي يوفقك

    ردحذف