الأحد، 24 أبريل، 2011

من شعارات ثورة 17 فبراير



هذه مجموعة من الشعارات الي أطلقها الثوار ضد الطاغية بومنيار . آمل من جميع الإخوة إضافة ما يحضرهم من هذه الشعارات ونشرها بين أكبر عدد ممكن من القراء ، نظراً لما تمثله من أهمية على الجانب النفسي في القتال ضد هذا الطاغية وأزلامه .

  

لا إله إلا الله **** والقذافي عدو الله

لاشرقية لاغربية **** ليبيا وحدة وطنية 

ليبيا حرة حرة **** والقذافي يطلع برة

دم الشهداء **** مايمشيش هباء

قولو لمعمر وعياله**** ليبيا فيها رجاله 

يا قذافي درت العار **** زنقه زنقه دار دار

قذافي يادكتاتور * *** جاك الدور جاك الدور

حي عليه النار كلاته **** خش لمصراته حرقاته

الشعب يريد **** اسقاط النظام

يا قذافي يا بو شفشوفه **** الشعب الليبي توا تشوفه

يا قذافي يا حمار **** الشعب الليبي مش صغار

ثورة في تونس**** ثورة في مصر**** ثورة في ليبيا حتى النصر

حي على معمر وشروطه **** حتى سوريته مشروطة

كابس تحت الشماسية **** خايف من التورة الليبية 

يا معمر يا جبان **** قعدت تخطب فوق السيسان 

حتى كان حبوب خذينا **** نحنا الكتيبة هدينا 

يا معمر يا بو شفشوفه **** الشعب الليبي نحى خوفه

ليبيا حره حره **** والسفاح يطلع بره

ياشباب العاصمة **** نبو ليلة حاسمة

والله والله، والله****  عن بنغازي ما نتخلى

نوضي نوضي يابنغازي **** جاك اليوم اللي تراجي

يا معمر يا خسيس **** الشعب الليبي راهو تريس

حي عليه النار كلاته **** وقفناله طياراته

وين تريس سوق الجمعة **** مصراته تبكي بالدمعه 

 يا فشلوم معاش تخافي **** خوتك ماتو في بنغازي 

تاجوراء قولي لعرادة **** نبو شهداء زيادة 

يا زناتة نوضي نوضي **** والقدافي طلع يهودي 

يا زاوية مش بروحك **** نحنا ضماضين جروحك 

يا قدافي صبرك صبرك **** تريس الظهرة تحفرلك قبرك

الشعب يريد **** تسليح الثوار

يا شباب العاصمة **** نبو ليلة عاصفة

زنقة زنقة دار دار **** حيه عليك من الثوار

بالروح بالدم **** نفديك يا مصراته

يا قذافي يا جبان **** هذا علم الاستقلال

ياوليد ياوليد **** هذا علم البلاد

وين بتهرب ياجبان **** من الغرياني ومالزنتان

ياحنان ويامنان **** تصون مصراتة والزنتان

مسيراتك ياجبان **** عدي بيهن للزنتان

لا لا لا **** معمر وعياله

ياحباب المختار **** طلعوه الفار

  

تجميع : ليبيانا الحرة

  

حسبنا الله ونعم الوكيل . 

اللهم مرسل السحاب ، منزل الكتاب ، هازم الأحزاب ، اهزم بومنيار وجنده وزلزلهم . 

اللهم إنا نجعلك في نحورهم ونعوذ بك من شرورهم .

  

  

هناك تعليق واحد:

  1. سهام الليل نصوب فيها...ربى عالم وين نبيها

    اقصد بسهام الليل الدعاء على الطاغيه فى جوف الليل

    ردحذف