الثلاثاء، 12 أبريل 2011

قرار مجلس الامن بشان ليبيا ودراسة طلابنا فى الخارج


عاجل جدا جدا

الى الاخ رئيس المجلس الوطنى الانتقالى بنغازى
تحية طيبة
فى البداية اود ان احييكم وان احييى من خلالكم ثوار ثورة 17 فبراير الشبابية الشعبية على كل هذه الانتصارات على الارض الليبية ارض ليبيا الحرة 
لكننى اود انبه الى موضوع خطير يهم كل الاسر الليبية داخل وخارج ليبيا الا وهو موضوع تعطل دراسة الالاف من الطلبة الليبيين فى الخارج نتيجة عدم دفع المنح الدراسية لهم من قبل سفارات ليبيا فى الخارج وهناك مجموعة كبيرة قد رجعت نتيجة الظروف المالية وخاصة الطلاب المتزوجين ويعولون اسر الامر الذى قد يلحق ضررا بمسير ة التعليم فى ليبيا خاصة وان هذا الامر قد يؤثر فى نفسيات اسرهم داخل ليبيا ومستقبل طلابنا فى الخارج

عليه فاننى اقترح اقتراحا بسيطا عليكم لحل هذه المشكلة الوقتية بالطريقة التالية
مخاطبة كافة الدول عن طريق مجلس الامن الذى اصدر القرارات1970و1973بشان الاوضاع فى ليبيا بضرورة ان تقوم الجهات والمصارف الدولية بصرف المنح الشهرية على الاحمر فى مواعيدها لكل من كان فى السابق يستلم منحة من سفارات ليبيا او من جهات مالية اخرى وان يتعهد المجلس بتسوية ذلك حال استقرار الامور فى ليبيا

ان هذا الامر يعد امر مهما ويساهم ايضا فى تحقيق الانتصار النهائى بالسرعة المطلوبة ويعطى الانطباع الراقى الانسانى لهذه الثورة المباركة باعتبارها نابعة من هذا الشعب ولا تفرق بين احد من ابنائها الطلاب ابناء ليبيا الحرة

مرة اخرى ارجوا اعطاء هذا الامر الاهمية القصوى

عاشت ليبيا الحرة وعاشت طرابلس عروس البحر عاصمتنا الابدية 
سلوق 100

هناك 31 تعليقًا:

  1. قرار حكيم و في مكانه ولكن يوجد احتمال ان بعض معاوني النظام البائس يسخروا هده المنح و صرفها في امور تساعد القدافي و اعوانه وتتمثل في تمويل المظاهرات الكادبه المدفوعه

    ردحذف
  2. والناس اللي على حسابهم الخاص شنو يصير فيهم كان المصارف ومراكز التحويل مسكرة ارجو الانتباه اليهم ومني جزيل الشكر وبالالخص ماليزيا لانه اكبر جاليا ليبية موجودة في ماليزيا وشكرا للتونيه

    ردحذف
  3. ماذا عن الطلبة الذين يدرسون علي حسابهم الخاص ؟
    لقد تقطعت بهم السبل .. اهلهم متكفلين بتغطيت النفقات و حاجاتهم لم يستطيعو طرق لتحويل .. او الباب الي يدخل الرزق لاهلهم قد قطع او توقف لاسباب الاقتصادية

    ردحذف
  4. مقترح غريب يدل على أن مقترحه خايف على روحه وتهمه الفلوس.. يا اخي إن شاء الله عمرنا ماقرينا ولا تعلمنا في هذه الفترة.. قصجك عندك نية ورغبة تقرا في هذه الفترة؟؟؟؟؟؟؟؟؟؟ بالعكس مانبوش فلوسنا .. ولو السفارات عندهم فلوس نبوهم يعطوهم للمجلس الوطني يصرفهم لعلاج الجرحى وتوفير الغداء للناس المحتاجة والمحاصرة في ليبيا

    ردحذف
  5. لازم يشوفو وين تصب ميه الطلاب إلى رح ياخدو الفلوس قبل ممكن فى جرذان مع الكذافى , متنسوش فى هلبة برا من جماعة الواسطة و ميندروش عليها من وين زارقة

    ردحذف
  6. اي مجلس بالله... المجلس غارق في العسل... يهمه ان حد يتعلم بدليل انه توا شهرين لم يتكلم عن المسيرة التعليمية وكأن الثورة ليس من اهدافها التعليم... للعلم ان من طلب من مجلس الامن اصدار القرارات لم يراعي التأثر السلبي على هؤلاء الطلاب واسرهم... الامر المهم عندهم هو السلاح ثم السلاح ثم السلاح... وبالاضافة الى تجويع المناطق الغربية من ليبيا ومنع اى اسيراد للمواد الغذائية والادوية والوقود... هذا كله ليس في صالح ليبيا يا مجلس بنغازي

    ردحذف
  7. سلمى احمد عنر12 أبريل 2011 في 11:59 م

    انا طالبة ليبية ادرس فى بريطانيا و استغرب متقول لان المنحة لن تقف انا اليوم الثلاثاء 12-4-2011 وجدت المنحة في حسابي و كذلك كل صديقاتي نزلت منحتهم فلا اعرف من اين اتيت بهذا الخبر اتق الله يأخي انت طالب و لا يليق بك الكذب

    ردحذف
  8. انا طالب ادرس بفرنسا وقد اعجبني هذا الاقتراح لانني ساكون احد المستفيدين به لكني في نفس الوقت ارجو على الطلبة الموجودين في كل دولة ان يرسلوا قائمة مرفقة بالصور والفيديوات للطلبة اللقاقين الذين لايزالون يؤيدون القذافي حتى يستثنيهم المجلس من مساعداته فمن غير المعقول ان يتكفل المجلس الوطني باعطاء منحة لفرج الحسين اطبيقة مثلا او من على شاكلته وهذا الشخص يقوم كل يوم بالخروج لشوارع باريس ليهتف لقذافي ويسب الثوار ويطعن في المجلس الوطني هذا الكلب يجب ان يستثنى هو وكثير غيره من امثال ابراهيم القعود وغيره وغيره لانهم كلاب لقاقين وضصورهم موجودة على النت وهم يهتفون للقردافي ; الله يلعنهم هالبصاصة الكلاب

    ردحذف
  9. على طلبة كل ساحة ان يقوموا اولا بارسال مقاطع الفيديو التي تظهر كلاب اللجان الثورية وازلام النظام الفاسد لان هؤلاء لايستحقوا مساعدة المجلس الوطني فهم اولا ياخذوا في المنحة من القردافي ولم تنقطع عليهم الى الان بل ياخذوا في مبالغ اضافية كرشوة من النظام ثم انهم اعداء للوطن ومجرمون يجب مقاضاتهم

    ردحذف
  10. ومتصور المصارف بتقبل..على اي اساس حبهم لليبيا مثلاً

    ردحذف
  11. الناس تموت بالاف وانت نسأل عن المنحة؟؟
    طالب بالمملكة البريطانية

    ردحذف
  12. معقولة نبقوا نكلوا على الاحمر بعد العز الله ايدوم القذافى و ان شاء يقضى على ما يسمى حكومة بنغازى

    ردحذف
  13. نحن معك في نفس المعاناة بس يا ريت ان يتم الصرف باي طريقة اخرى غير الطريقة الربوية وهي السحبعلى الاحمر فلا تورطنا يا اخي في الربا لأنه ( من يتقي الله يجعل له مخرجا ويرزقه من حيث لا يحتسب )

    ردحذف
  14. كل اليبيين يعلامون ان من يتحصلون على منحى دراسية خارج الدولة اغلبهم ولد فلان و علان ولاكن الان الاولى لكم الرجوع الى ارض الوطن والقتال بجانب الثوار الدين لم يتحصلون على شئ من الوطن و يقاتلون الان وبكل شراسى. واحد مشنوق و واحد بالى في الحلوى.

    ردحذف
  15. ايه صح والله المنحة قريب تتم عالاقل نبوهم يخلصو الجامعة اقل شي

    ردحذف
  16. انا طالب في الساحه الكنديه واستغرب من الاخت الي قالت المنحه مستمره احنا المكتب بعث لنا ايميل وقال ماعاش نقدر ندفع لكم لان ماعاش فيه فلوس الكلب يصرف فيهم هو وصغاره علي السلاح و علي المرتزقه والمشكله حصلنا قبول وما صارش منه علي سبب الفلوس و المشكله القبولات هنايا صعبه هلبا
    الله يستر. وانا طز في المنحه المهم الليبين بس . والله كان نلقا روحي غادي

    ردحذف
  17. نحن في الخارج لسنااقل منكم الما وحسرة بل نحن قد نفيد بلادنا اكثر من الكثيرين بالداخل فنحن نقوم بمظاهرات ولدينا الانترنت الذي نستخدمه لنظهر الحقائق للعالم ونحاول جمع المساعدات لابناء وطننا ونسأل الله ان ينصرهم ويحمي بلادنا.

    ردحذف
  18. انا مواطنة ليبية لم اتحصل فى حياتى ابدا اى منحة من ليبيا و احنا نعرف اساسا كيف برنامج البعتات ولكن حسب علمى المنحات فى بريطانيا ماشية ولم تقف حيت لدى اصدقاء من اكدوا ذلك

    ردحذف
  19. ومن يتقي الله يجعل له مخرجا ويرزقه من حيث لا يحتسب
    اهم شي ربي يفرج علي بلادنا واهلنا مصيبتهم وفي سبيل ذلك كل شي يهون النفس والمال والدراسة

    ردحذف
  20. ياربي اهلك اشكالون هو السبب في هذا كله 42 سنة علي قلوبنا ومازال ماشبعش الله يعطيك هردة في بطنك ان شاء الله عقاب وسخ تتبهدل في جررته بلاد الله يلعنك ويلعن كل من ايئيد فيك هالحيوان الفلوس يصرف فهم علي عبيد افريقيا باش يقتلوا ناسنا الله يرزينا فيه يارب عجل بنهايته هالحقير السفتول متع النساوين اللواط الشاذ

    ردحذف
  21. they will die from the poverty and your are speaking about damn ideas. However, we have the same problem and we don't have money to spend to our families. Also, we don't have an idea about what we can do b/c we thought that our embassy will make action to resolve this problem. By the way i am from south africa and i spoke with my friends from america and they said that they got an email from canadian company telling them to find work and to stop their studies. If your are student in america you will not get job unless your are citizen. You have to imagine this problem beside our country problem, we have children and women who will gonna be totaly affected from this situation. We don't have money to get even the tickets, you have to thick little bit about this problem. We are not asking for money instead we asking just to pray for us. MY GOD HELP US AND HELP OUR COUNTRY

    ردحذف
  22. فعلا مايسمى بالمجلس ماهمه الا اهل منطقة بنغازى ومصراته لكن باقى ليبيا يموتوا لكن بنوجه رسالة ليهم اهل المجلس وبنغازى ومصراته بنقولكم كل منطقة فيه رجالة وتاريس ولعلمكم النفط فى حوض سرت وفى جنوب ليبيا وماتحولوا تملكوا ليبيا وتشبعوا واحنا انجعوا والله والله والله ماتحلموا تتريسوا علينا وكان تبوا الراحة معش تتكلموا باسم بنغازى ومصراته وقولوا ليبيا واصلا انتم ماعندك شى غير الكلام بس

    ردحذف
  23. الوقت ليس وقت منح وتدوير فلوس خوتكم وخواتكم ايموتوا غادي واحنى انفكروا في القراية والفلوس ان شاء لا قرينا ولا تعلمنا وكان وقفت القراية حتى سنة كله يتعوض ولادنا اللي ماتوا هما اللي شن بيعوضهم والا اللي خسر عينه واللي رجله واللي ايديه خيركم معاش تحسوا يا ناس

    ردحذف
  24. تي مصح وجهك اللي تحكي عالفلوس والمنحة واهلنا يعانون من تنكيل الطاغية بهم ... مع اني طالبة ومغتربة وتأثرت دراستي ولكن كل شئ يهون وكل شئ يتعوض
    المهم الأت أن نقف صفاً واحدا لنصرة شعبنا ووطننا على الطاغية وأزلامه .

    ردحذف
  25. المانيا بون13 أبريل 2011 في 9:51 م

    هو وقت متحة والله البال راىق, بلادنااحوج ,انشالله بعدماىتلف اليهودى وتتحسن الامور ناخد الشهادة فى ليبيا الحبيبة وما عاد نحتاج للدراسة فى الخارج ومضيعة السنين

    ردحذف
  26. عيب عليكم السب والتفرقة اللي تحكوا بيها المجلس اسمه المجلس الوطنى مش مجلس بنغازي , وحصار مناطق الغرب وتجويعها معلروف من السبب ما تتهموا بنغازي وناس الشرق المعاناة واحدة وكلنا لازم نكونوا يد وحدة .
    واللي يقول يدوم معمر أن شا الله تدمر انت وياه يا أمعة ، اللهم عجل بالنصر عالسفاح وأزلامه .

    ردحذف
  27. هدا حالنا الليبيين لانتغير نتدخل في كل شيئ
    مواطن ليبي طرح اقتراح من لديه كلمة طيبة يقولها او يسكت ولاداعي للأتهامات كلنا ليبيين ونعرفو بعض
    وبدون مزايدات ومحاولة تخويف الناس
    نحن نطالب بالديمقراطية والحريه وعلينا ان نكون علي قدر مطالبنا

    ردحذف
  28. بالله عليكم الى يقول طز في المنحة وهوا في الغربة من يوكل فيه ,اني وزوجي في امريكيا ومنحتنا متوقفه لها شهرين ,وقريب انروحوا بالله وين نبوا انروحو لكلاب معمر الى مش مخلين لا كبير ولا صغير ولا عن طريق تونس هذا كان وصلنا .

    ردحذف
  29. ليبية تبي تروح لليبيا باسرع وقت ممكن18 أبريل 2011 في 6:58 م

    والله عيب عليكم كلكم ... اهلنا يقتلون وشبابنا ينكل بهم علي يد القذافي واعوانه والمرتزقة الافارقة وغيرهم وانتم تبحثون علي المنحة ... اللي منحته وقفت يروح ليبيا اولي بيه .... واللي مايبيش انشاء الله عنه ماروح .. وبالنسبة للي يحكوا ويقولوا ان اللي في الخارج كلهم ولد فلان وعلان اتقي الله ... .... للاسف مرات نقول كان غير القذافي فينا ... ماتلقي غير اللي ينكر نعمة ربه.. واللي حاسد الناس مرات حتي يحسد خوه .. ليش ماتحكوا غير علي المنحة والفلوس واحد خايف المنحة توقف ... وواحد يبي يعرف من ياخذ في الفلوس قبل وواحد منقهر من اللي قاعدين يقروا بره .... حرام عليكم والله ... دم هلنا مازال مانشف وانتوا همكم الفلوس روحوا ... روحوا ... مع اني انقوللكم ليبيا خسارة فيكم مدام هذا منطقكم وكلامكم ... (ياصفوة المجتمع يامتعلمين ))) عيب عيب

    ردحذف
  30. نداء عاجل الى كل الليبيين انا كاتب هذا المقترح عليه ارجوكم ان يكون التعليق بحرية ولكن فى حدود الادب والحالة التى نعيشها
    هذا اولا
    ثانيا انا على وشك التقاعد وخوفى على مستقبل ابنائنا هو من الواعز الوطنى ليس الا وليس لدي اى احد يدرس فى الخارج

    الرجاء على الاخوة مسؤولى الموقع والمواقع الاخرى عدم نشر تعليقات فيها تجريح وكلام على صورة اهانة على اى شخص يكتب مقترح

    لا تجعلونا نرجع الى الوراء ياسادة
    فالكلمة الطيبة صدقة

    واللى يبى يحارب فالجبهة مفتوحة واللى يخدم الثورة فكل الاعمال المدنية والاعلامية مفتوحة امام الجميع للعمل من اجل ليبيا الحرة

    ردحذف
  31. بالله فعلاا هو عام اقراية والا منحة ليبيا في امس الحاجة لينا لكا شاب ولكل شابة ليبية هاذي هي اللحظة التاريخية والمفصلية في بلادنا ولو ماصنعناها احني من بيصنعها؟؟؟

    ردحذف