الأربعاء، 16 فبراير 2011

انباء عن مقتل اثنين من المتظاهرين في بنغازي


خاص - المنارة
مظاهرات في مدينة بنغازي شرق ليبيا اليوم الثلاثاء 15/2/2011 قام بها اهالي ضحايا مذبحة سجن بوسليم امام مديرية الامن بالمدينة.

وحسب مصادر للمنارة للإعلام فقد زاد عدد المشاركين في هذه المظاهرة والتي بدأت مساء اليوم للمطالبة بالإفراج عن منسق جمعية اسر ضحايا مذبحة سجن بوسليم الذي اعتقل صباح اليوم الثلاثاء المحامي فتحي تربل واثنين اخرين من اعضاء الجمعية .
وتطورت هذه المظاهرة وزاد عدد المتظاهرين بعد ان تعامل الامن بعنف معهم واطلاق نار على المتظاهرين وتفيد انباء ان عدد المتظاهرين وصل إلى 2000 شخص وانهم مصممين على التظاهر لحين تلبي مطالبهم .
وهناك انباء  من داخل مدينة بنغازي ومن المتظاهرين انفسهم بأن قوات الامن قد قتلت عدد اثنين من المتظاهرين بعد أن استخدمت ضدهم الرصاص الحي لتفريق المتظاهرين ولم يتم  تأكيد خبر القتل لحد الان الا ان الاصابة مؤكدة.
وفي سياق متصل افادت انباء عن قيام مظاهرات كبيرة في شارع عمر بن عاص وميدان الشجرة  في وسط مدينة بنغازي وان قوات الامن استخدمت خراطيم المياه لتفريقهم وقد رد عليهم المتظاهرين بالحجارة.

هناك 51 تعليقًا:

  1. السلام عليكم
    الاخبار الان

    هروب قوات الامن من ضريح عمر المختار بنغازي

    ردحذف
  2. اللهم ماانصرهم يارب

    ردحذف
  3. fuck in all the people who wana do somthing wron g in libya, libya strong for ever

    ردحذف
  4. Please Show this link, it important for all libyan pepoal

    http://www.youtube.com/watch?v=3e-syvkmOdE

    ردحذف
  5. اللهم انصر اهلنا فى ليبيا قولو ااااامين يا رب العلمين

    ردحذف
  6. يا صاحب التفكفيك واللغة الانجليزية ما فك الا عليك يا قليل الادب والبيتية. علي من اتفكفك يا سي البي علي عيالك وخوتك الي درهت كبدهم وانت الباين قاعد في نعمة الامريكان او الفرنجة ومش في ليبيا والباقي اتشوف العجب وكانك من اصحاب المصالح في الهول الي ايصير في الناس فعندك الحق لنت وادبك

    ردحذف
  7. السلام عليكم
    ان الشعب الليبي عايش فى نعمة ولكن لايعرف قيمتها حتى يفقدها والحمدلله قد تمى التنسيق فى توزيع القروض للشباب والافراج عن السجناء يرجى من المتضاهرين توخى الحذر من الفتنه وقناة الجزيره

    ردحذف
  8. ممكن نعرف اخر التطورات فى الوقت هضا؟؟

    ردحذف
  9. السلام عليكم ورحمة الله وبركاته
    لا تتهموا قناة الجزيرة بالفتنة
    فمثلا ً في تونس ومصر كانت قناةالجزيرة تنقل ما يحصل وما يجري على الميدان. كما كانت تنقل جميع الأراء ومن جميع الاطراف.
    ولماذا قناة الجزيرة بالذات ؟ رغم أن جميع القنوات تنقل وتتناقل الاخبار لكن أغلبها بلغات اجنبية ولا يستطيع ان يتابعها إلا القيل. أما قناة الجزيرة فهي تتكلم لغة العرب ويفهم ويتابعها الجميع.

    ردحذف
  10. لله اكبر اللهم انصر الشباب على الدجال واعوانه وادعوا باقى الشباب فى المدن الاخري الى التحرك  وما النصر الامن عند الله 
    عاشق ليبيا

    ردحذف
  11. والله ما كان يعرفو الليبيين الفتنة بينهم الا في زمن شارون ليبيا الأعضم ,وليت تسمع هدا شرقاوي وهدا غرباوي وهدا سرتاوي ... الى آخره. نسى الناس انهم في الاول والاخير ليبيين .
    ونبيك يا خوي تقولي شني عاللنعمة الي القدافي معيش الشعب فيها .. هبي والسقف يقطر .. وانت ممكن من النوع الي الدولة شارية دمته بسيارة ونقال باش يفشك قدام ناسه .. فكر في الجيل الي جاي ولدك وولد ولدك كيف مستقبلهم معا ولاد الطاغية .هههه ولا بالكش تبيهم ينضربو بالكف شكلك

    ردحذف
  12. خيرهم اهلنا في بنغازي استعجلوا !!!؟؟؟ مش متفاهمين يوم 17 !!!؟؟ بالله خلو الموضوع منسق باش ايصيرلهم التلخبيط و معاش يعرفوا كيف ايلمو الموضوع.

    تحية من ترهونة ارض الجهاد.

    ردحذف
  13. ya Rab be with all my brothers in libya and safe them

    ردحذف
  14. أي نعمة تتكلم عليها, الشعب الليبي من أكثر الشعوب فقرا وأقلهم تعليما. كل من يقول بأن الشعب الليبي في خير فهوا أما لا يعيش في ليبيا أو أنه أحد أعوان النظام الدكتاتوري ويستفيد منه لحسابه الخاص

    ردحذف
  15. توخي الحذر في شني ياراجل اتقي الله علاوة العيل 2 دينار قعدا في الشهر من لما الخروف ب 10قروش ياراجل اما نعمة وريني حقي اوكوله وتقولي قروض علاش توا طلعو القروض أتحرك الكرسي طاحو الفلوس هذا علاش واضح النية مش صافية

    ردحذف
  16. الشعب يريد اسقاط الملازم الحقير

    ردحذف
  17. هدا النظام يجب ان يزول ويجب على ليبيا ان ترا النور من جديد وعلى ابناء القدافى الدين سرقوا اموال ليبيا الخروج منها فالاموال اموال ليبيا وليست تروة لابناء القدافى واعوانه

    ردحذف
  18. اتقو اللة يامنارة انا مواطن من بنغازي ولم اسمع بمقتل احد كل ما في الامر كانت مظاهرة من حوالي 100 شخص امام مبني مدرية الامن وتفرقو بعد ان تم الافراج عن المحامي

    ردحذف
  19. نريد قوة واردة للاستمرار, نعمل يدا واحدة كل اليبيين, من بن وليد الى سبها والام طرابلس الى الغالية بنغازي ومن كل مدننا والقري الذين عبث بهم هذا اللانظام. حي على الفلاح

    ردحذف
  20. والله يا شباب ياريتكم شفتو الشباب امس .....والله شباب وشياب ,كانو في مظاهرة سلمية جدا هتافات ضد النظام ,لاكن بعد ذلك جت الحكومة ,والله ماهم ليبين ناس ايسبو في الجلالة ويضربو في الشباب بالسيارات ,وياريتها جت في البداية بالين ,لا بلعكس اول تدخل كان قوي جدا ,انا نفسي استغربت ,لان انا ساكن في شارع عمر بن العاص ونزلت انتفرج بس ,لاكن امس ايقنت فعلا من ضرورة التغيير لان هذا النظام لايحب شباب ليبيا ويعاملهم كأنهم اتباع له ,لاحول ولا قوة الا بالله,وفعلا كان في اصابات قوية وكان شباب زي الورد ,

    ردحذف
  21. السلام عليكم ..انا من سكان ميدان الشجرة ,,,,اثناء المظاهرات أصيب فتى عمره يقارب 17 عام ,وادخلته الى منزلي بعد اصابته وهو يقول لي باليبي ((خليني خليني,,, هاذوم اقتلو باتي حرموني منا ,حرموني اني انشوفه))وهو ينزف بشده ,كانت زوجتي تضع له ضماده وهي تبكي بشده وهو يقول ((خليني انموت يا عمتي ,نبي انموت وانشوف باتي وانقوله اني ماسكتش علي حقك )))

    ردحذف
  22. الله يرد كيدكم في نحوركم يامعارضة لعنة الله عليكم خونة كذابين الله لاينولكم مافي بالكم ليبيا ربي يحميها باذن الله واللي داروا المظاهرة هذي فئة اتاثرت شوي باللي صار في تونس ومصر ويبوا يقلدوا تقليد وانتوا خيبتكم قوية لان مش حيصير باذن الله اللي في بالكم ونحنا عاجبتنا ليبيا وعايشين فيها مش هاربين برا وبالكيبورد فرحانين وتكتبوا لاوالله رجالة بصراحة ههههههههههههه

    ردحذف
  23. ما دمنا في حكم القذافي فنحن محترمين ومعززيين ومكرمين في اي مكان في العالم

    ردحذف
  24. تحركوا يأهل طرابلس لنصرة اخوانكم في بنغازي ، و الله صدقت اللي قلت ان شرقاوي و غرباوي و سؤتاوي و سبهاوي ماعرفناها الا في عهد الظالم القذافي ، اللي قتل اولادنا في شهر رمضان ، و خدي ارزاق مالينا اللي خدموا عليها بالعرق و خلاهم يموتوا بالحسرة ، ماتخافوا من حد راهو جبان هو و صغاره توا تشوفوا انهم بدوا يلموا في الاموال اللي يبوا يهربوا بها قبل حتى يوم 17 ، جبان استعان بالبلطجية من مرسى مطروح ، قذلف الدم عارف ان ابناء ليبيا شرفاء مايقفوش ضد بعضهم عطي لكل واحد من البلطجية 5000 دينار بش يساعدوه في خنق اهالي بنغازي ، ياهل طرابلس الشرفاء شدوا ازر خوتكم و الله اكبر و الله معانا سينصرنا باذنه تعالى ، الله اكبر و حي على الجهاد

    ردحذف
  25. نريد الجدية والنظام وعدم التخريب من المتضاهرين
    والله ينصركم ياشباب الانتفاضة
    استعينوا بالله ولا تنسوا صلاة الجماعة في المظاهرات

    حسبي الله ونعم الوكيل عالظلام

    ردحذف
  26. حي على الجهاد

    لقد تم اغلاق جميع المواقع التي تنقل لنا الاحداث
    مالعمل ساعدونا

    ردحذف
  27. يسقط القذافي السفاح

    ردحذف
  28. انباء عن فرار اكثر من ابن من ابناء القذافي خارج البلاد مع مبالغ ضخمة المصدر عامل من مطار طرابلس العالمي

    ردحذف
  29. يريدون انا يطفو نور الله بأفواههم ابشروا ايها المسلمون ابشروا ايها الليبيون انا النصر لقريب بأذن الله والله متم نوره ولو كره الكافرون

    ردحذف
  30. ليبي يريد الحرية وأمله في الله كبير

    االله ينصر شعب ليبيا على من ظلمهااااا ان الله يمهل ولا يهمل ( ان الله مع الصابرين ) وصبروا يا هل ليبيا ان النصر لقريب

    ردحذف
  31. أنا في الخارج وسمعت أن اليوم فيه مظاهرات مؤيدة للقذافي في عدة مدن وهم ينادون بحياة الكلب, أخاف أن تكون الفئة المؤيدة أكثر ويفشل الامر.المساكين هم طلبة المدارس الذين سيرغمون على التظاهر تضامنا مع سفاح الدم.

    ردحذف
  32. الأخ قائد الثورة قائد القيادة الشعبية الإسلامية العالمية ، يستقبل أسر الشهداء ضحايا حادث إحراق جزء من مقر القنصلية الإيطالية بمدينة بنغازي في (17) النوار " فبراير " 2006

    ردحذف
  33. يقيني بالله
    السلام علي كل ليبي اصيل حر
    الا الحثالة هذي الوحد بطل وهو يهزب فيهم وما بوش ينقدو علي وجوهم
    تو بالله هاللي يحكي عن النعمة اللي عايشين فيها وما ناش عارفينها!!!! شن هي
    نعمة حقن اطفالنا بالايدز ولا نعمة قتل شبابنا في بو سليم ولا فناء جيشنا في تشاد ولا نعمة تقليصنا عن العمل
    ولا نعمة المستشفيات المجهزة نحب نذكرك ياعبد سيدك ويا من تتشدق باسم الامن والحرية نحناالليبيين قاعدين نعالجوا بين مصر وتونس والاردن
    حتى التوانسة يسموا في الطائرات الليبية بطيارة لاباس
    وفي الاردن يسموا فيها طيارة الموتى
    ولا تحكي على نعمة التعليم المنتهي والمتردي وكل سنة في منهج جديد وقرار جديد
    نقولك ياعميل انت واللي كيفك حط يدك علي فمك واسكت لأنكم انتوا اللي ضيعتوا البلاد
    وخلوا التريس يكتب التاريخ

    ردحذف
  34. عاشت ليبيا حره
    وانتم رجالة ولدتكم امهاتكم احرار فموتوا او عيشوا احرار
    اللهم انصر شعبى وارجعنى بلادى سالمة غانمة اللهم امين
    القرذافى سبب خروجى من ارضى وان شاء الله انردلها وهو مش على وجهه الارض قولوا امين
    يا ليبين بديتوا لزم تكملوااا مينفعش اترودا والا اتعيشوااا ؟؟؟؟؟؟

    النصر لله النصر الله
    وانا نصر الله لقريب

    ردحذف
  35. القذافى هرب إلى سبها مع رتل كبير من حرسه الخاص لأنه مرعوب و لايتق حتى في المقربين منه

    ردحذف
  36. القائد طول عمره...والمعارضة هم حتالة ليبيا وياويل ليبيا من هؤلاء الاشكال لو وصلوا للحكم....

    ردحذف
  37. شن ايشيلو والا يشيلواكانشى فى حاويات مليارات مليارات سارقينهن عيال اليهمودى اللقيط. الله ينهيهم كيف مانهى اولاد صدام ويقهر امهم وبيهم عليهم كيف ماقهرو امهات واجد الله ياخذ فيهم الحق أأأأأمممممممين

    ردحذف
  38. عبد من عباد الرحمن17 فبراير 2011 في 12:45 ص

    هذه ثورة خاصة بالليبين اللي عايشيين في ليبيا وفي الواقع هناك وليس للذين يتفرجوا في الخارخ ويزرعوا في الفتن. اقول للذين ينفخون ابواق النفاق في الخارج انكم ليسوا ليبيين ولا عندكم صلة بالليبيين . عايشين في الخارج وينتظروا في الشباب ان يحدثوا تغيير ، هؤلاء منتهزين الفرص اللهم انفيهم نفي ابدي. التريس في ليبيا في الساحة وليس من وراء شاشات التلفزيون. قديمة اللعبة القذرة التي يلعبونها.

    ردحذف
  39. لكل ظالم نهاية ونهايته قربت وعلى ايادي الليبين الحقيقيين الاشراف ان شاء الله

    ردحذف
  40. االله ينصر شعب ليبيا على من ظلمهااااا ان الله يمهل ولا يهمل ( ان الله مع الصابرين ) وصبروا يا هل ليبيا ان النصر لقريب

    ردحذف
  41. اللهم انصر الحق علي الباطل وجعل ليبيا حره تعيش من خيرهاولا تعطي خيرها الا لابن بلدهاربي يحفضك ياليبيا وتعيشي حره

    ردحذف
  42. بسم الله. اللهم وحد كلمة شعبنا وأقول لإخواني في شرق البلاد أن هناك مدن ستنظم وبدأت بالفعل بكسر حاجز الخوف في غرب ليبيا ومنها على سبيل المثال لا الحصر. الزنتان المجاهدة. الزاوية وزليتن وبني وليد والقافلة المجاهدة ضد الظلم تسير بإذن الله. اللهم قنا شر كل ذي شر يالله

    ردحذف
  43. و الله شنو رينا منة القذافي غير هضم حقوق البنات يطلعون عليهم في قروض شنو حابها البنت شنو بتدير بيهن غير يأخذوهن هلهاو يدمرون مستقبلهن من بيأخذها واحدة بقرضها تخلص فية هنا فلوس الشعب كيف يطلب في الفوئد عليهن هذا موضوع و الموضوع الاخر التعليم الفاشل الفاشل الفاشل تغيير تغيير جميع المدراء و امين التعليم بكامل اي خبرة هذم خبرة في السرقة بس ما يطالعون مرتب المعلم لين تطلع عينة تقول يطلعون فيهن من جيبوهم التعليم لا ينفذ قرارات القائد معمر بكل يعتبرونة جاهل و درويش لانة خرف قعد كبير في السن شوفوا قرار التشاركي لم ينفذ في كثير من المدرس يدير جولة على المدرس و يشوف اذا نفذ العمالة الاجنبية موجودة و المرتبات لم تدفع لم يقوم بتصعيد في المدرسة بل المدير حط روحة بروحة بدون تصعيد و ايضا المفوض المالى لم يتم التصعيد عليها اي قرار اصدرة القائد و في المسيرات ينبحون كيف الكلب الفاتح الفاتح و هما سبب البلا و الدمار . اين تفيذ القرارت ؟ . لزم يتغير التعليم كله من اكبر واحد الى اصغر واحد .

    ردحذف
  44. ياجبناء ...
    ياناكري الجميل ..معمر حرركم من الطليان والامريكان والانجليز كان خلاكم زمان تحت كرعين الانذال راكم تقصعوا في القمل في الزايب اللي ساكنينها وتوانيكم عرايا تدوروا شن يسترها ياكلاب والطلياني يحك في خشمك ومتعدي علي حرمتك .إحمد ربي حتي علي النفس اللي يطلع ويخش .

    ردحذف
  45. الليبيين رجالة لايم الدين

    ردحذف
  46. ثباً لجحودكم ونكرانكم ايتها الانفس المريضة فمن انتم لتقررو مصير شعب عاهد قائده علي الوفاء من انتم لتقرر مصائر ابناء ليبيا الاحرار فاقول لكم لن ولن نزيح عن درب قائدنا وكلنا فداء له ، ودمتم

    ردحذف
  47. يا أخوانا في ليبيا أرجوكم أحقنو الدماء راهو ما فيش شهداء (إذا اقتتل مسلمان فالقاتل والمقتول في النار) اللي يبي يستشهد يمشي لفلسطين ... لكن في بلادك عليكم باتباع أمر الله لما قال أطيعو الله والرسول وأولي الأمر منكم وراهو اللي تطلبو فيه حاجة دنيا ولي أمركم مسلم والاسلام بخير في ليبياوهما ما يدافعو عن الاسلام كيف يكونو شهداء

    ردحذف
  48. تي اي مسلم وهو يسب في اللجلالة ويضرب ويقتل في ولاد بلاده
    هدا ماقالش بيه ربي وبعدين قبل الفلسفة في الدين برا خوي زيد اتعمق في الدراسات لاءسلامية وبعدين يمكن نحكو وبعدين ولي امرنا مهوش مسلم هو يهودي ابن يهودية وهدا يشهد
    عليه الناس والتاريخ فمتقعدش تبل وتعجن قلك ولي الامر قال

    ردحذف
  49. الى الاخ اللى من ترهونة التنسيق كان ع اساس بوم 17
    ولكن الى اليوم اهل ترهونة واهل ورفلة
    لاصوت لهم ولاحس وكانهم جمهور يتفرج ع الساحة والوضع اللى فى ليبيا وخاصة الشهداء اللى يساقطوا كل يوم فى بنغازى وحاليا مصراته ناضت

    ردحذف
  50. اليوم ليبيا اضبحت حره يا احبائي اليبيين

    ردحذف